越來越多男士開始著重護膚程序，咁到底男士及女士嘅護膚程序有無分別呢？
首先，我哋可以先分析皮膚狀態。
其實男士及女士無論皮膚粗幼、油脂分泌程度，以及毛孔嘅大細都有分別，男士嘅皮膚比較粗，油脂分泌一般比女士更多，毛孔會更加大。雖然整體護膚步驟：清潔 > 保濕 > 護理，男女都係大同小異，但係男士護膚嘅時候，更加需要處理肌膚剃鬚後敏感及油脂過多問題。
以下我哋會解釋剃鬚後泛紅敏感的解決辦法，以及逐一講解男士護膚時的注意事項！
甚麼是「毛囊倒生」？
正常嘅毛髮應該係沿住皮膚向外生，但當剃完鬚之後，如果角質層排列唔整齊，就有機會導致毛髮唔係正常向外生，而係反轉嚟向內捲，最終堵塞喺毛囊入面。呢種情況就叫做「毛囊倒生」。毛囊倒生會形成一粒微微突起嘅小丘疹，輕微嘅情況可能會感到痕癢和刺痛，而嚴重時則會引發發炎及紅腫，甚至有機會出現膿包，演變成毛囊炎。如果唔即時處理，呢啲發炎位置仲可能會留下疤痕，所以千祈唔好忽視。
如何改善及預防「毛囊倒生」情況？
注意衛生清潔
剃鬚前後都要保持面部衛生，防止細菌感染剃鬚後敏感嘅皮膚。剃鬚工具亦要保持清潔，建議定期更換剃刀，避免用鈍嘅刀片，減少對皮膚造成嘅傷害。
做好保濕工作
保濕可以保持皮膚柔軟、健康，亦有助角質層排列更整齊，減少毛髮倒生嘅情況。建議剃鬚後使用適合自己膚質嘅保濕產品，鎖住水分，令皮膚保持水潤。
溫毛巾熱敷脫毛部位
剃鬚前可以用溫毛巾熱敷剃鬚部位，令毛孔打開，同時軟化毛髮，減少剃鬚時對皮膚嘅刺激，亦可以降低毛囊倒生嘅風險。
如何紓緩及修復「毛囊倒生」後的肌膚？
使用工具把堵塞的毛髮拔出來
如果毛囊倒生情況唔嚴重，可以用乾淨嘅鑷子輕輕將毛囊堵塞嘅毛髮拔出來，避免進一步發炎。不過記得要先消毒工具，避免因細菌感染而加重發炎。
回復健康的角質層更新週期及排列
維持角質層健康係防止毛囊倒生嘅關鍵之一。要回復角質層嘅正常更新週期，建議定期使用溫和去角質產品，收細毛孔及減少過多油脂分泌，同時保持適當嘅保濕護理，令角質層排列更加整齊，減少毛囊堵塞嘅機會。
另外，使用具細胞修復功能嘅產品亦係重要嘅步驟之一。呢類產品有助於強化皮膚屏障，幫助細胞回復健康狀態。當細胞功能回復正常時，皮膚能更有效鎖住水分，減少水分流失，從而保持皮膚水潤柔滑，亦降低毛囊倒生嘅發生率。建議選用含有修復性成分嘅精華液或面膜，例如含有維他命B5、酵母菌溶胞物或抗氧化成分嘅產品，幫助細胞再生同時提升皮膚健康。
男士護膚時的注意重點
了解自己的膚質
唔少男士可能平時冇特別留意自己嘅膚質，其實呢樣嘢係護膚嘅第一步。你嘅膚質可以係乾性、油性、混合性或者敏感性，每一種膚質需要嘅護理方法都唔同。例如，乾性皮膚需要加強保濕，油性皮膚就需要控油。了解自己嘅膚質後，你先可以揀啱適合自己嘅護膚品，令護膚效果更加顯著。
每天清潔控油
清潔係每日護膚程序中最基本嘅一步。由於男仔皮膚出油量通常比女仔多，特別喺夏天或者做完運動之後，皮膚容易積聚污垢同油脂。如果唔好好清潔，毛孔會容易堵塞繼而形成暗瘡或者黑頭。記得要每天使用溫和潔面產品洗面，保持肌膚清爽。
臉部角質清理
除咗日常清潔，定期去角質都係護膚重要嘅一環。男士皮膚角質層較女士厚，如果唔定期清理死皮，容易令皮膚暗啞無光，亦會阻塞毛孔。可以按照皮膚狀態，定期使用去角質產品去除表層嘅死皮細胞，保持皮膚光滑及提升肌膚吸收力。
保濕鎖水，控制油水平衡
男仔嘅皮膚一般會比女仔更厚，令好多男士誤以為自己唔需要經常保濕，或者「清潔比保濕重要」。但其實隨住年紀漸大，皮膚嘅厚度會慢慢變薄，如果保濕不足就會開始出現皮膚過乾、甩皮嘅情況，所以記住每日使用適合自己膚質嘅保濕產品，不論係油性皮膚定乾性皮膚，都應需要時刻為肌膚保濕鎖水，維持彈嫩水潤肌。
使用針對性精華液
精華液等於護膚程序中嘅秘密武器。揀選適合自己嘅精華，可以更加精準解決皮膚問題。例如，如果你發現自己肌膚出現泛紅過敏情況，可以選用含有二裂酵母等抗菌、抗發炎的成分，有助於收斂毛孔，為肌膚提供鎮靜效果。同時，含有維他命B5、玻尿酸等嘅精華可以提供強效保濕，令皮膚更加飽滿有光澤。
「Bio-RepairI 修復再生抗敏精華」為細胞受損肌膚帶來修復及鎮靜作用。使用兩大成份「 雙丙甘醇」及「甲基葡糖醇聚醚-20」作為主要保濕劑，深層保濕並強化角質層代謝，保持肌膚健康水潤。成份之一「酵母菌溶胞物」具有強化皮膚屏障功效，為日常皮膚護理提供強效保護。
配合皇牌產品「Bio-RepairI 修復再生抗敏舒緩面膜」使用，細胞修復效果更加顯著，快速改善皮膚狀況，還原肌膚原有彈潤活力。
購買「Bio-RepairI 修復再生抗敏精華」：https://heibeauty.com.hk/products/bio-repairi-essence
購買「Bio-RepairI 修復再生抗敏舒緩面膜」：https://heibeauty.com.hk/products/bio-repairi-mask
如果你對自己的膚質或產品使用上有任何疑問，或者有興趣知道油性肌膚點樣可以令到妝容更貼服，歡迎透過 WhatsApp 向我哋嘅美容顧問進行免費諮詢！